Kolbeinn åker till Flattinge!

Það er ljóst! Það er frágengið! Málið er dautt!

Kolbeinn snýr aftur til Flattinge! Í gær var handsalað samkomulag við hana Christinu um útleigu á glæsihýsinu Täppan A á lóð þeirra Nilsson-hjóna við hið gjöfula vatn Flåren. Kolbeinn festi sér í sama mund árabát góðan til þess að róa út á vatnið og svoleiðis moka geddunum nú upp úr djúpinu. Báturinn verður einnig notaður til tímabærrar landtöku á Kolbeinseynni þar sem fáni Kolbeins verður reistur sem tákn um eignanám Kolbeina á undirlendinu þar.

Ferðin verður farin 5.-7. júní. Möguleiki er á fyrstu fullskipuðu Kolbeinsferðinni í heil sjö ár ákveði Kolbeinn Sölvi að fljúga yfir hálft úthafið og í hlýjan faðm annarra Kolbeina sem allir hafa staðfest þátttöku sína. Það verður skálað í brennsa frænda, það verður skálað í nubbana hans Kolbeins Hjartar, það verður dansaður hringdans í kringum borð, krúsídúllusamlokur verða smurðar (Kolbeinn Aðalsteinn sér til þess). Frisbídisk verður kastað, geddur munu bíta í rassa, teppi verða ofin í vefstofu, gleðin verður við völd.

Kolbeinn kemur til Flattinge! Húrra fyrir Kolbeini, fluguveiðikóngi par excellance.

Og hafi það ekki verið sagt nógu oft áður, þá ítrekast það hér með:

Hann ER ekkkert gamall!!!

Kolbeinn vill til Stig

Kolbeinn er farinn að huga að veiðiferð í sumar. Hugurinn reikar til Flattinge til Stigs, besta vinar Kolbeins í gervallri Svíþjóð.

Eða eins og Stig sjálfur myndi orða það:

,,Törstiga?“

Vasaorðabók Kolbeins

Kolbeinsferð í Ívanslund nálgast óðfluga. Það er algjörlega nauðsynlegt þegar ferðast er á framandi slóðir að nauðsynlegasta orðfæri heimamanna sé á hreinu svo allir komi vel fyrir og geti aukinheldur bjargað sér ef í nauðir rekur í fjarlægum og lítt þekktum löndum. Því kemur hér smá gáta sem Kolbeinar eru hvattir til að reyna að leysa. Gátan inniheldur nokkra nauðsynlegustu frasa á sænsku sem allir sannir veiðimenn verða að hafa á takteinunum í stórfiskaferðum.

Nokkur dæmi úr Vasaorðabók Kolbeins:

Kolbeinar fara í Ívanslund!

Þá er það ákveðið!

Kolbeinar hafa fest sér sænska slotið Ívanslund helgina 13. til 15. júní og ætla þar að tæma hverja tjörn og síki af öllu spriklandi og iðandi sem þar finnst. Þar fara þeir á fund kattarins Tusse og húsbónda hans í nyrstu héruðum Skánarríkis í Svíþjóðarveldi.

Samkvæmt upplýsingum staðarhaldara er meðal annars hægt að fanga krabba í vötnum Ívanslundaróðalsins og hlakkar Kolbeinn sérstaklega til þess að beita spúnum á þau kvikindi. Svo eru víst elgir þarna líka. Kolbeinn mun því hafa afsagaða haglabyssu í skotti bílskrjóðs síns og fara á elgveiðar ef sú afar óvenjulega og ókunna staða kemur upp í Kolbeinsferð að ekkert fiskast.

Ívanslundur virðist annars vera paradís á jörð. Þar er allt til alls fyrir yndislega Kolbeina og alteregó Kolbeins, frisbí-iðjan, verður í stórhættu fyrir öðrum glapstigum afþreyingarinnar. Þar má nefna tennisvöll, golfvöll og fleira mætti nefna. Það er því ekkert víst að Kolbeinar snúi aftur. Allt eins að þeir segi eins og Gunnar í ljóði Jónasar: Að hér vilji Kolbeinar dvelja, alla sína ævidaga…

Þegar hafa fjórir Kolbeinar bókað mætingu og aðeins einn Kolbeinn (Kolbeinn Sölvi) streitist á móti og kennir langferðum frá Spáni um. Iss! Þar að auki hefur tónlistargoðið Stafrænn Olafúr Dzjoseffson meldað sig inn volgan.

Kolbeinar munu faðmast. Kolbeinar munu kætast. Kolbeinar munu skála í brennsa frænda. Kolbeinar munu veiða krabba.

Heja Kolbeinn!

Þetta er Kolbeinn

Þetta er vefsíða Veiðifélagsins Kolbeins. Kolbeinn skipuleggur nú árlega veiðiferð sína og hyggur á Svíþjóð.